Ќе бидете воодушевени од добиената нијанса!
Тиркизната боја е најтешко да се добие, а ако сте ги пробале сите начини за бојадисување јајца во оваа нијанса, но не сте успеале, време е да го испробате овој сосема природен начин на фарбање.
Велигденските јајца можете да ги обоите со виолетова зелка и да добиете уникатна боја. За 12 варени јајца ви требаат:
- една глава виолетова зелка
- 4 лажици алкохолен оцет
Начин на подготовка:
Виолетовата зелка исечкајте ја. Во тенџере истурете 5 шолји вода и додадете ја сечканата зелка, па оставете ја да се крчка 30 до 45 минути.
Оставете ја зелката целосно да се излади, а потоа извадете ја од водата.
Во водата во која се варела зелката додадете 4 лажици алкохолен оцет и добивате боја за бојадисување на јајцата.
Јајцата се ставаат во длабока тава или тенџере, важно е да се распоредат, а потоа се преливаат со добиената боја. Извадете ги јајцата од бојата по еден час ако сакате посветла боја, а ако сакате светла тиркизна, тогаш оставете ги да отстојат во бојата 2 часа.
Јајцата треба да ги превртувате на другата страна на секои половина час за да биде изедначена бојата.
Напомена: Во почетокот ќе добиете виолетова, но не грижете се, магијата доаѓа дури подоцна, а кога ќе ги извадите јајцата од бојата, ќе се изненадите од прекрасната тиркизна боја.
Ако сакате, јајцата можете да ги врзете со ластик за тегли, за да добиете интересни шари. Како изгледа целиот процес погледнете во видеото:
