Обичаи и верувања на Велики четврток – деновите пред Велигден се минуваат во мир и молитва! Еве што, според старото верување, за Велики четврток се прави дома …
Православните верници утре го слават Велики четврток, односно четврток пред најрадосниот христијански празник Велигден. Овој празник е потсетување на Тајната вечера, кога Исус им ги изми нозете на учениците и им даде пример на безусловна љубов.
Според Новиот завет, евхаристискиот обред, односно Светата Причест е воспоставен на Тајната вечера, па многу верници всушност се причестуваат на Велики четврток.
На овој ден најважно е правењето добри дела, постот и верниците се посветуваат на молитвата, а пред се на чистотата на мислата и душата. Еден од најстарите обичаи е прочистувањето на водата. Порано во водата се фрлало сребрена паричка.
Се верувало дека на овој ден децата и возрасните треба да се капат во изворска вода за да имаат убавина, среќа и здравје во текот на целата година.
Според старото верување, девојките на овој ден се миеле, го чистеле лицето и ја негувале кожата. Исто така, на овој ден домот се чисти темелно, за да се подготви куќата за Велигден.
Според обичаите, во домот се пали свеќа која инаку најчесто се пали за празниците – празнична свеќа, свеќа како за Бадник или Божиќ.
