Обичаи на празникот Велика Сабота – стари верувања и подготовки за Велигден!
Велика Сабота е ден на тишина, се нарекува уште и Тивка сабота. Верниците го слават по Велики петок, односно ден пред Велигден, како спомен на времето кога во гробот бил положен Господ Исус Христос.
Верниците овој ден го сметаат за ден на тага, но во исто време и ден на исчекување на радоста, односно доаѓање на нов живот. За Велика Сабота уште од античко време се практикуваат различни обичаи.
Денот треба да помине во мир, тишина, молитви, а верниците постат. На овој ден се привршува работата за прославата на Велигден, се подготвува храна, се украсува домот, а во некои делови кај нас на овој ден се бојадисуваат и јајца доколку се уште не се бојадисани.
Постои верување дека треба да направите добро дело на овој ден за да бидете поуспешни следната година. На полноќ во сабота во храмовите се служи полноќна велигденска литургија.
