777 техника за остварување на желбите – манифестирање со хартија и црвен молив!
Постојат различни техники и методи на манифестација кои помагаат да се привлечат посакуваните работи во животот, а една од наједноставните и најзабавните техники е 777. Потребна ви е хартија, молив, инспирација, искрена желба или намера, но најмногу вера дека можете да постигнете што сте го замислиле.
Користете молив во црвена боја бидејќи тоа е нијанса на благосостојба и радост. Нацртајте мал круг на парче хартија со голем круг околу него. Во средината на малиот круг напишете што сакате да манифестирате. На пример, пари, љубов, унапредување на работа …
Потоа поделете го големиот круг на седум дела и во секој до линијата на големиот круг напишете „Благодарен сум“. Потоа, во секој од седумте дела, додајте го она за што сте благодарни, но тоа мора да биде поврзано со вашата желба што сакате да ја манифестирате.
На пример, ако сакате да бидете унапредени на работа, можете да го напишете следново во вашите кругови: Благодарен сум за поддршката што ми ја дава мојот шеф, благодарен сум за сите вештини што ги стекнав, благодарен сум за можноста да растам, и така натаму.
Преку благодарност испраќаме позитивна енергија до универзумот и велиме дека сме подготвени да ја оствариме желбата. На овој начин шириме позитивни вибрации, а она што го зрачиме го привлекуваме.
Седмицата во оваа техника симболично го претставува бројот на среќа, целост, комплетност, верувања, напредок, па така во текот на 7 дена 7 пати исцртувајте го наведениот круг на настанот. Верувајте во чуда и тие ќе се случат!
