Богородичниот пост трае 14 дена – се практикува физички и духовно, а еве што е најважно!
Од 14 август започнува Богородичниот пост, кој е посветен на Богородица, а припаѓа на еден од четирите големи пости кои православните верници ги практикуваат во текот на годината.
Започнува на празникот пренесување на моштите на Свети Климент Охридски , а завршува на празникот Успение на Пресвета Богородица, односно на 28 август.
Се причестуваат верниците кои постеле на овој празник, а уште од античко време се верувало дека на овој ден треба да се причестуваат мајките и децата.
Исто така, овој пост особено го почитувале жените уште од нашите предци. Богородичниот пост трае 14 дена, но е еден од најстрогите пости.
Што се однесува до физичката страна на постот, се консумира посна храна, без храна од животинско потекло. Пост на масло и вода, освен на Преображение, кога се јаде риба.
Духовниот пост е поважен од физичкиот и подразбира дека треба да се ослободите од негативните и лошите мисли, лошите дела, односно да ја прочистите вашата душа и наместо негативност, во неа да разбудите светлина и внатрешен мир.
Свети Јован Златоуст велел: “Вие велите дека постете. Убедете ме во тоа во вашите дела. А кои се тие дела? Ако видите сиромав, дајте му милостина. Ако ги сретнете своите непријатели, помирете се со нив.
Рацете ваши постат, воздржувајќи се од секаква алчност и кражба. Каква корист ни е ако не јадеме месо и риба, туку ги каснуваме и ги проголтуваме ближните“.
Во постот телото се чисти со храна, а со позитивни мисли, молитва, заедништво и добри дела го чистиме срцето и покажуваме дека ЉУБОВТА ни е најважна.
