Не чекајте за да купите млад лук од пазарите, ништо не е полесно отколку да го одгледувате во чаша.
За да никне лукот, треба да набавите главица која што не била замрзната. Отстранете го надворешниот слој од лушпите, но не чистете ги чеснињата целосно. Следниот чекор е да го исечете врвот на чеснињата со остар нож.
Отстранете ја етикетата од пластичното шише, исечете ја областа околу вратот со нож, а потоа пресечете го шишето на половина. Вметнете го едниот дел во другиот, за да го зацврстите.
Наполнете го шишето со вода. Потоа ставете ја главата од лук во шишето, но така што долниот дел да ја допира водата. Чеснето ќе пушти корен за два или три дена.
Чеснето многу брзо, по два-три дена, ќе пушти млади ластари во средината. По неколку дена, ќе формира прекрасни корени, а стеблата ќе достигнат неколку сантиметри во висина.
За седум дена лукот ќе достигне доволна големина за да се собере и да се користи за салата. Затоа, не е лошо во рок од неколку дена неколку пати да ја повторите постапката за садење лук, за секогаш да имате свеж млад лук.
Така, првата глава ставете ја во вода во понеделник, втората во среда и така натаму.
По седум дена ќе имате лук за трпезата.
Кога расте лукот, тоа е моментот кога ластарите треба да се засадат во земја доколку имате градина или во саксија на балконот.
Користете свежа почва измешана со хумус, добро исечкајте ја и употребете плиток сад, бидејќи немаат длабок корен.
Внимателно поделете го лукот и засадете ги ластарите на растојание од пет сантиметри. Наводнете го лукот и уживајте во неговиот раст. Погледнете ја детално постапката во видеото подолу.
