Јајцата се вкусен и корисен дел од нашето дневно мени. Сепак, важно е да се следат некои основни правила за да се спречат несакани ефекти.
Опасноста станува поголема во летните месеци, кога производите се расипуваат побрзо. Една од најважните работи е да избегнувате јадење сурови или меко варени јајца.
Бактеријата, наречена Салмонела ентеритидис, може да се најде во жолчките и, во ретки случаи, во белките. Иако се наоѓа во многу мал процент во јајца (1 на 20 000), би било разумно да се избегнуваат сурови или недопржени (или неварени) јајца.
Во летната сезона е добро да се избегнуваат запршки со јајца. Ако сепак, за да се подготват одредени рецепти, е потребно е јајцата да не подлежат на сериозен термички третман, тогаш купете пастеризирани сурови јајца.
Конзумирањето на пастеризирани сурови јајца не носи ризик, бидејќи тие претходно се загревани на температури кои ја уништуваат салмонелата. Апсолутно е задолжително јајцата да се чуваат на ладно место, советуваат искусните готвачи.
Собната температура овозможува развој на бактерии, особено во летната сезона. Доколку ја имате оваа можност – проверете дали јајцата кои ги купувате се чуваат во соодветни услови.
Не се доверувајте на трговците кои не ги чуваат производите во ладилниците. Кога се вратите дома, јајцата треба веднаш да се стават во фрижидер, и тоа во најстудениот дел.
Многу луѓе јајцата ги ставаат на вратата од фрижидерот затоа што таму има посебни форми за нив. Ова не е најдоброто решение доколку сакате да се заштитите од негативните ефекти од нивното консумирање.
Поумно е да ги оставите во нивниот картон и да ги ставите таму каде што мислите дека е најстудено во фрижидерот. Рок на траење на јајцата е од 3 до 5 недели.
Ако користите само белка или само жолчка и го чувате остатокот од јајцето, имајте во предвид дека треба да се консумира во рок од најмногу 4 дена.
Дури и тврдо варените јајца не е добро да останат во фрижидер долго време. Нивното максимално складирање таму не треба да надминува една недела.
