Овој домашен спреј е идеален за сите површини каде често се собира прашина.
Иако во дрогериите има спрејови кои се наменети за прашина, треба да се има предвид дека природно секогаш има подобра опција, и кога е здравјето, и кога е буџетот во прашање.
Домашниот спреј против прашина лесно се подготвува, а за подготовка ви се потребни само три состојки, како и вода.
Овој спреј е поздрава и поекономична варијанта, а е исто толку делотворен.
Потребни состојки:
- 1 чаша вода
- 1/4 чаша алкохолен оцет
- 2 лажици маслиново масло
- 10-15 капки есенцијално масло по желба (лимон, лаванда)
Подготовка:
Измешајте ги сите состојки во празно шише со спреј. Добро протресете го шишето пред употреба. Испрскајте ја течноста на површината што ја бришете или на крпа и поминете преку саканото место.
Благодарение на овој моќен домашен спреј, ќе ја бришете прашината до три пати поретко отколку што вообичаено би правеле.
