Во текот на неделата сигурно барем еднаш ќе се сретнете со замрзнато месо кое сакате да го претворите во вкусен оброк.
Доколку се прашувавте кој е најдобриот начин да го одмрзнете месото за да не губи хранливи материи дури и по подготовката, еве неколку совети на кои работи треба да внимавате.
Можеме ли веднаш да готвиме замрзнато месо? Дали е безбедно да се одмрзнува во микробранова печка?
Прво мора веднаш да го извадите месото од пластичната кеса и да го ставите на чинија, за да не дојде во контакт со хемикалии при одмрзнувањето. Исто така, пожелно е да се готви веднаш штом ќе се одмрзне.
Една од главните грешки е одмрзнувањето на месото на собна температура. Ова се идеални околности за формирање на бактерии.
Кога имате доволно време, месото најлесно се одмрзнува во фрижидер, а воедно е и најбезбедниот начин. Доколку и вие сакате да се ослободите од залихите што ги имате, еве ги 3-те најбезбедни начини за одмрзнување на месото:
Фрижидер
Црвеното месо и пилешкото никогаш не треба да се одмрзнуваат на собна температура – површината ќе се загрее побрзо од внатрешната и ќе го поттикне развојот на бактерии.
За да се одржи константна температура, фрижидерот е најбезбедното место за одмрзнување на сите видови месо, вклучително и стекови, мелено месо и пилешко. Пакетите со месо ставете ги на чинија и ставете ги на дното на фрижидерот.
Брзината на одмрзнување зависи од количината на месото, така што килограм мелено говедско месо ќе се одмрзнува цел ден, а за поголеми парчиња и парчиња со коски ќе бидат потребни два до три дена.
Одмрзнатото месо може безбедно да се чува во фрижидер најмногу пет дена пред подготовката, потсетува Карен Блејксли од Државниот универзитет во Канзас.
Ладна вода
Ставете го месото во кеса, а потоа во сад и оставете ја водата да тече околу половина час, во зависност од големината на парчето. Како и со одмрзнувањето во фрижидер, каде што исто така е ладно, нема многу шанси да се формираат бактерии бидејќи ладна вода тече над месото.
Единствената разлика е во тоа што месото ќе се стопи под млаз ладна вода а не во фрижидер. Околу половина килограм месо под вода целосно ќе се одмрзне за еден час.
Но, тој начин не е толку идеален. Ќе потрошите многу вода, а таа е скапоцена. Дополнително, ако кесата со месото не е добро затворена, површината ќе биде крцкава.
Микробранова печка
Иако тоа е најбрзиот начин за одмрзнување на месото, доколку не ја знаете рерната и не процените колку е потребно за едно парче, рабовите ќе се сварат, а можно е и средината да биде уште замрзната.
За жал, ниту одмрзнувањето со ладна вода, ниту со микробранова печка не е најсигурен метод, но ако со текот на времето проучите точно колку микробранова е потребно за правилно да се одмрзне месото, тоа е најдобриот избор кога сте во брзање.
Месото секогаш ставајте го во чинија и вадете го од пакувањето пред да го одмрзнете, бидејќи и овде важат основните правила за користење на микробранова печка, а штом ќе го одмрзнете, почнете да готвите.
