Проблемите со тироидната жлезда, особено на почетокот, многу лесно може да се препишат на многу побезопасна состојба, како што се замор, исцрпеност или хормонална нерамнотежа.
Затоа е важно навреме да се препознаат симптомите и да се започне со потребниот третман, за да се избегнат компликации.
Дали спиете постојано? Дали се борите со килограмите? Дали чувствувате некаква „магла“ во вашата глава? Можеби страдате од недијагностициран проблем со тироидната жлезда.
Ако сте здебелиле некој килограм повеќе, тоа може да се должи на нездрави прехранбени навики и недоволна физичка активност, но може да биде и резултат на забавена работа на штитната жлезда, која професионално се нарекува хипотироидизам.
Во оваа состојба, тироидната жлезда не произведува доволно хормони кои му се потребни на телото за правилно функционирање, што резултира со проблеми со метаболизмот.
Хипотироидизмот е многу почест отколку што можете да замислите. Дури 4,6 отсто од американската популација страда од хипотироидизам, а се верува дека неколку милиони луѓе страдаат од оваа состојба, без воопшто да се свесни за тоа.
Има многу симптоми на хипотироидизам, а дебелеењето е еден од најчестите.
„Пациентите со хипотироидизам генерално имаат забавен метаболизам, а има и намалување на работата на базалниот метаболизам“, вели ендокринологот Решми Сринат од познатата њујоршка здравствена организација Mount Sinai.
„Оваа состојба може да доведе до промени во начинот на кој телото ја троши енергијата. Со послаб метаболизам, луѓето се дебелеат дури и ако не ја менуваат исхраната. За некои тоа е вишок на маснотии, но често има задржување на течности“, додава докторот.
Ако страдате од хипотироидизам, можете лесно да се здебелите дури и со правилна исхрана и редовно вежбање.
Бидејќи првите симптоми на хипотироидизам лесно може да се маскираат преку „прилично вообичаени“ симптоми кои се јавуваат на дневна основа, многу случаи остануваат неидентификувани или заменети со други нарушувања.
Тироидната жлезда е жлезда во облик на пеперутка која се наоѓа во основата на вратот. Таа лачи два важни хормони кои ги контролираат главните функции на телото (како телото користи енергија, ја регулира температурата и ја вари храната) и органите (вклучувајќи го срцето, мозокот, црниот дроб, бубрезите и кожата).
Кај хипотироидизам, нивоата на тироксин може да бидат нормални или намалени, а ТСХпокачен. ТСХ се зголемува поради забрзаната работа на хипофизата, која се обидува да ги компензира другите хормони кои тироидната жлезда повеќе не ги произведува во доволни количини.
Постојат бројни фактори кои влијаат на ризикот од хипотироидизам, од генетски предиспозиции до автоимуно пореметување Хашимото тироидитис, кој се јавува кај околу 80 проценти од пациентите со хипотироидизам, а при што имунолошкиот систем почнува да ја напаѓа тироидната жлезда.
За среќа, состојбата на тироидната жлезда лесно се проверува со едноставна анализа на крвта, а проблемите најчесто успешно се решаваат со лекови или природни препарати.
Ова може да бидат знаци дека страдате од хипотироидизам:
1. Се чувствувате уморни подолг временски период
Тешко е да се разбудите, дури и ако сте спиеле сосема доволно? Поспаност, постојан замор и недостаток на енергија се поврзани со многу состојби, но се силно поврзани и со хипотироидизам.
Во овој случај, премалку тироиден хормон во крвотокот значи дека клетките не добиваат доволно „сигнали да се разбудат“, па се чувствувате исцрпено. Можеби имате впечаток дека немате сила за вежбање, но всушност со зголемување на физичката активност можете да го намалите чувството на замор и да го подигнете нивото на енергија.
2. Болки во мускулите кои траат
Ако страдате од болки во мускулите од кои не можете да се ослободите за неколку дена, тоа може да биде проблем и со тироидната жлезда. Оваа жлезда лачи хормони кои го контролираат метаболизмот, вклучувајќи го и начинот на кој телото ја претвора храната во енергија.
Помалку хормони кои го контролираат метаболизмот значи и забавен метаболизам и проблем со согорувањето на енергијата, што предизвикува болки во мускулите. За да се справите со овој проблем, можете да правите вежби како пливање и да го зголемите внесот на храна богата со омега 3 масни киселини.
3. Често заборавање
Знаете дека требаше да направите нешто денес, но не се сеќавате што? За тоа можете да ги обвините лошиот сон, стресот, годините, но и тироидната жлезда.
Премалку тироиден хормон може да биде причина за заборавеност и слаба меморија. Недостатокот на овие хормони забавува сè, дури и невролошките функции.
4. Холестеролот ви е покачен
Иако проблемите со срцето се најпрво на ум, високиот холестерол може да биде знак за проблем со тироидната жлезда.
5. Намалена сексуална желба или нејзино целосно отсуство
Ова може да биде уште една последица на проблеми со тироидната жлезда. Поради поврзаноста на функцијата на тироидната жлезда и надбубрежните жлезди, органите кои ги контролираат половите хормони, меѓу другото, преку регулаторите на хипоталамусот и хипофизата, ниското ниво на тироиден хормон може да влијае на намаленото ниво на полови хормони. .
6. Расположение, меланхолија, депресија
Иако не е примарен симптом, чувството на изразено незадоволство може да биде несакан ефект на хипотироидизам. Д-р Сринат објаснува:
„Депресијата може да биде поврзана со други симптоми на хипотироидизам како што се замор, мускулна слабост, летаргија и тешкотии со концентрирање.
7. Кожата ви е сува
Сувата кожа и чешањето исто така може да бидат симптом на хипотироидизам. Промената на структурата и изгледот на кожата се должи на намалената циркулација предизвикана од нарушена функција на тироидната жлезда.
Намалената циркулација може да доведе до тоа клетките на кожата да добијат само една четвртина или една петтина од нормалната количина на крв со која се снабдуваат, што го олеснува разградувањето и формирањето на брчки.
Исто така, метаболизмот забавен од хипотироидизам може да го намали количеството на потење. Без влагата што ја обезбедува потењето, кожата брзо станува сува и ронлива.
Ако вашата кожа е само сува, можно е да страдате од егзема, но ако е придружена со кршливи нокти, опаѓање на косата и бавно зараснување на раните, време е да посетите лекар.
8. Имате проблеми со варењето
Како што веќе споменавме, забавениот метаболизам ги успорува сите други функции, така што дигестивниот систем не е исклучок. Хипотироидизмот може да доведе до запек поради бавните движења на дебелото црево.
9. Постојано ви е ладно
Ако ја носите најдебелата зимска јакна и на 15 степени, тоа може да укажува на хипотироидизам. Пациентите со оваа состојба се борат да ја регулираат телесната температура, бидејќи таа всушност е контролирана од тироидната жлезда. Помалку енергија, чиј пад е предизвикан од забавен метаболизам, значи помала телесна топлина.
