Овој сируп од сушено овошје, сок од лимон и мед помага во зајакнување на имунолошкиот систем, што е особено важно во сезоната на вируси и настинки. Се зема по една лажичка дневно.
Сувото грозје е одличен извор на енергија, сливите се богати со антиоксиданси, сувите кајсии се извор на влакна и минерали, бадемите се богати со масни киселини, а оревите се богати со хранливи материи.
Исто така, овој сируп содржи цветен мед, кој е ефикасен во борбата против инфекциите.
ПОТРЕБНИ СОСТОЈКИ:
- 50 гр суво грозје
- 50 гр суви сливи или урми
- 50 гр суви кајсии
- 30 гр бадеми
- 50 гр ореви
- 70 гр цветен мед
- 2 супени лажици сок од лимон
- кора од 1 поголем лимон
НАЧИН НА ПОДГОТОВКА:
Сите состојки исечкајте ги и изблендирајте ги во блендер освен сокот и кората од лимон. Додадете ги на крајот и добро измешајте. Истурете во тегла. Оваа постапка детално е прикажана во видеото подолу.
