Ако имате проблеми со ладни раце и нозе, направете чаеви од овие билки.
Ако вашите раце и стапала се постојано ладни, без разлика дали е зима или лето, тоа е знак дека имате слаба циркулација. Лошата циркулација може да биде наследна, а може да биде предизвикана и од неправилна и нередовна исхрана, како и од недостаток на физичка активност.
Освен лекови, за слаба циркулација може да се користат и билни чаеви, кои може да помогнат кога станува збор за овој проблем.
Рузмарин
Една од билките која е добра за циркулација е рузмаринот кој најчесто се користи како напиток во народната медицина. Сепак, чајот од рузмарин може да се користи и за правење облоги.
Доволно е две минути да варите една лажица листови рузмарин во 150 мл вода, па да ја процедите. Натопете памучна газа или крпа во чајот и завиткајте ја околу стапалата да отстои околу дваесет минути. Овој третман е најефикасен пред спиење.
Ѓумбир
Ѓумбирот може да помогне и при слаба циркулација бидејќи неговите состојки ги прошируваат артериите и на тој начин ја подобруваат циркулацијата.
Потребно е две лажички свеж или една лажичка сув ѓумбир да се прелеат со шолја врела вода, да се промеша и да се остави малку да се излади. Овој пијалок треба да се пие два пати на ден.
