Солениот спреј против акни е најновиот тренд за нега на кожа според TikTok. Но, колку е навистина овој спреј ефикасен?
Сигурно сте забележале дека лицето, откако сте на море, се чисти, мозолчињата исчезнуваат, а кожата станува поцврста и посјајна. И вие сте во право не ви се причинува. Имено, покрај тоа што морската вода го чисти лицето и ги суши акните, помага и на кожата да биде посветла и затегната.
Инспирирани од овој феномен, “Тик Токерите” започнаа необичен тренд: направете свој солен спреј за борба против акните. Но, колку тој може да ја замени морската вода и дали навистина работи?
Солен спреј против акни – за и против
Морската вода може да ги исуши мозолчињата, да спречи лачење на себум и формирање на нови акни. Исто така, морската вода има антиинфламаторно дејство и се бори со бактериите кои предизвикуваат појава на акни.
Едно истражување покажа дека солта богата со магнезиум ја отстранува сувата кожа и спречува воспаление. Други студии покажаа дека морската вода им помага на луѓето со егзема и псоријаза.
Затоа, заклучокот е дека морската вода може да спречи создавање мозолчиња, но дали тоа го може и солен раствор што сами го правиме? Според експертите, може, но мора да бидеме внимателни. Морската сол може да ја оштети кожата ако претераме.
Како да направите солен раствор против акни?
Измешајте една лажичка морска сол со половина чаша топла вода. Истурете го растворот во шише со спреј. По чистење на лицето, нанесете го овој раствор на кожата. Оставете да делува 10 минути, а потоа исплакнете со млака вода. Можете исто така да го намачкате растворот со памук ако немате шише со спреј.
Забелешка: Не заборавајте да користите хидратантни креми за да не ја исушите кожата.
