Рецепт за природен пијалок кој ја намалува нервозата и стресот – еликсир кој лесно ќе го направите, а одлично делува на здравјето!
Современиот живот секојдневно опслужува стресни ситуации, а наша задача е да се заштитиме од тоа негативно влијание, да развиеме издржливост и на тој начин да го зачуваме здравјето и енергијата.
Покрај психолошките алатки и методи, постојат многу природни билки, тинктури и тоници кои можете да ги направите без напор, а одлично делуваат против стресот и нервозата.
Билкарката Рејчел Робинет ви носи одличен рецепт за оксимел, односно тинктура или еликсир кој користи оцет и мед како основа. Ова е само основата, а вкусот можете да го збогатите со додавање на вашите омилени зачини за подобра арома или лековито дејство.
Со оглед на тоа што е пијалок кој помага во намалување на стресот и нервозата, Робинет за овој коктел избрала ѓумбир, жалфија, камилица, маточина и лаванда. Овие растенија имаат релаксирачки ефект, но и здравствени придобивки.
„Жалфијата е одлична за здравјето на белите дробови, кашлањето, застојот, па дури и варењето; маточината го подига расположението и е одлична за нервниот систем“, вели Робинет.
Еве го рецептот за совршен смирувачки еликсир:
Состојки:
- 1/3 чаша жалфија, сечкана
- 1/4 чаша ѓумбир, сецкан
- 1/3 чаша маточина
- јаболков оцет
- мед
Подготовка: Наполнете ја теглата со сите избрани билки. Потоа погрижете се да ги покриете сите со оцет и мед по ваш избор. Робинет препорачува златен однос помеѓу половина оцет и половина мед, но можете да ја зголемите количината на мед или да го зголемите оцетот, во зависност од тоа колку сакате да ви биде сладок пијалокот.
Бидејќи оцетот и медот делуваат како конзерванси во овој рецепт, неопходно е целосно да се покријат суровите билки и другите состојки. Исто така, не заборавајте да ја протресувате наполнетата тегла на секои неколку дена за да бидете сигурни дека екстракцијата се одвива целосно и изедначено.
По најмалку две недели од готвењето, можете да ги процедите билките со газа, да ја вратите течноста во теглата и да ја користите во се, од коктели до чаеви, преливи за салати, да ја измешате во чаша со малку вода или да ја користите како зачин во печива.
