Според Фенг Шуи, куќата е поделена на неколку зони, а најважна е здравствената зона. Еве како да ја активирате за да ви донесе просперитет и добро здравје.
Енергијата во куќата влијае на здравјето, љубовта, среќата, просперитетот . За енергијата да биде позитивна, таа мора да циркулира, според правилата на Фенг Шуи.
Еден од основните постулати на оваа филозофија е чистотата и уредноста . Треба да ја одржувате куќата чиста, да се ослободите од вишокот работи за да може енергијата да циркулира.
Во куќата има неколку зони – зони на здравје, пари и љубов, а за да се донесе просперитет , тие мора да се активираат и одржуваат.
Како да ја активирате здравствената зона?
Здравствената зона е најважна во куќата, затоа потрудете се оваа зона да биде беспрекорно чиста. Ако вие или вашето домаќинство имате здравствени проблеми, тогаш е особено важно да обрнете внимание на тоа.
Таа се наоѓа во источниот дел на куќата . За да одредите точно каде е, застанете со грб кон влезната врата на стан или куќа, а потоа свртете го погледот надесно. Ова ќе биде источниот сектор.
Развојот на овој дел, неговото активирање и подоцна одржување на чистотата ќе ви помогне да станете психички и физички поотпорни, да го зајакнете имунитетот, да го одржите доброто расположение и мотивацијата и да ја вратите љубовта кон животот.
Покрај чистотата, друг услов за здравствена зона е доброто осветлување . Ако нема прозорци и природна светлина, тогаш поставете добро осветлување , така што просторот да зрачи со топлина.
Што се однесува до боите- белата, сивата и зелената може да се сметаат за идеални нијанси за оваа зона. Можете исто така да го активирате со поставување на растенија.
