Како да одврзете јазли во вратот – масирајте се со топка, потребни ви се само 3 минути!
Доколку често имате проблем со кочење на вратот, чувствувате болка во делот каде што вратот се спојува со ‘рбетот и постојано сте згрчени, имаме решение за вас.
Луѓето кои долго седат пред компјутер, кои најчесто пишуваат на тастатура и многу често се во „збуткана“ седечка положба, најчесто имаат проблем со болни јазли на вратот.
Овие јазли прво се кршат со професионална масажа, но помеѓу масажите, можете да пробате уште една прифатлива опција која може да ги скрши јазлите на вратот за 3 минути.
За оваа техника ви треба само едно – тениско топче. Прво, најдете удобно место за легнување на подот. Потоа следете ги овие едноставни упатства и ослободете се од болката:
1. Свиткајте ги колената, држејќи го притисокот врз долниот дел на грбот и ставете тениско топче под себе на задниот дел од вратот.
2. Одвојте неколку секунди за вдишување, оставајќи го тениското топче да потоне во мускулното ткиво.
3. Полека свртете ја главата надесно, вдишете длабоко кога топката ќе ја допре чувствителната област. Држете неколку секунди. Продолжете да се тркалате додека увото не е свртено кон подот.
4. Полека вратете се во центарот и повторете исто сè на левата страна.
Пробајте го и следниов принцип:
1. Легнете во иста положба како претходното движење со свиткани колена и со топката на задниот дел од вратот.
2. Наместо да ја вртите главата од едната на другата страна, полека повлечете ја брадата кон градите, а потоа вратете се на почетната положба. Продолжете со влечење и кревање за да ги масирате мускулите на вратот. Оставете ја топката да се тркала под вас.
Оваа прекрасна и практична масажа нема да ви одземе подолго од 3 минути, а може да ви помогне да се ослободите од болката и непријатноста. Ги опушта сите мускули, ги крши јазлите, но важно е да не притискате агресивно. Лесно и нежно оставете ја топката да се тркала и масирајте ги грбот и вратот.
