Афирмации за ублажување на анксиозноста – еве кои зборови треба да ги повторувате кога сте вознемирени!
Анксиозноста е најчестиот проблем со менталното здравје во современиот свет. Многу луѓе доживуваат анксиозност во одреден момент од нивниот живот, додека некои секојдневно се справуваат со напади на паника и други симптоми на анксиозност.
На површинско ниво, анксиозноста може да изгледа безопасна. Меѓутоа, ако не се контролира, може да го зголеми стресот и напнатоста, што може сериозно да влијае на вашата целокупна благосостојба.
Кога ќе се појават првите знаци на анксиозност, важно е да се консултирате со професионалец за ментално здравје, психолог и психотерапевт. Никогаш не ги игнорирајте симптомите, неопходно е да се грижите за вашето ментално здравје, тоа е предуслов за среќен и квалитетен живот.
Кај анксиозноста најчесто се присутни негативни мисли и чувство на страв, а за ублажување на симптомите можете да користите и позитивни афирмации.
Позитивните афирмации се мантри или фрази кои човекот си ги повторува за да поттикне позитивни мисли, да се мотивира и да се потсети на што се стреми.
Важно е тие да бидат дефинирани во сегашно време, за да ве освестат сега и овде, да бидат прецизно и јасно формулирани. Еве неколку афирмации кои можат да ви помогнат при анксиозност:
Сигурен сум, мирен и ништо не ми се заканува. Одлучувам секогаш да реагирам позитивно на сите ситуации. Моите минати искуства не можат да ме спречат да успеам во иднина.
Додека се опуштам и го забавувам дишењето, анксиозноста ме напушта. Нема пречка што не можам да ја надминам. Со секој здив што го издишувам, ја ослободувам напнатоста.
Секој ден се чувствувам се поопуштено и помирно. Сега сум добро бидејќи животот ми го сака најдоброто. Го сакам мојот живот; Имам контрола. Јас сум единствена. Јас сум сакана. Јас сум важна.
Седнете во удобна положба, пуштете смирувачка музика, правете вежби за дишење и повторувајте ги овие афирмации. Тие можат да ви помогнат да се смирите, да ја ублажите напнатоста и да промовирате внатрешен мир.
