Копривата е диво растение кое се користи и за јадење. Лековити делови на растението се листот, коренот и семето од коприва.
Цветовите и лисјата се покриени со светли иглички кои предизвикуваат жарење и печење при допир и затоа е неопходно да се користат ракавици при берење. Содржи голема количина железо, па помага против анемија.
Покрај минералите на железо, таа е богат и со витамини Ц, К, минерали магнезиум, калциум и фосфор, според една студија од 2018 година. Исто така, содржи хлорофил, танини, слуз, каротеноиди.
Го забрзува варењето и излачувањето на токсините од телото. Во народната медицина, копривата има многу широка употреба и се користи како помош при многу болести.
Се користи како помош во третманот на ревматски заболувања, проблеми со уринарниот тракт и анемија. Богата е со антиоксиданси, железо, витамин Ц, а многумина сакаат да прават супа од коприва, а исто така е вкусна и во проја.
Состојки за проја со коприви
- 3 јајца
- 1 чаша јогурт
- 1/2 чаша масло
- 1 чаша пченкарно брашно
- 1 чаша пченично брашно
- 100 гр сирење
- 100 гр коприва
- 1 прашок за пециво
- малку сол
Подготовка
Изматете три јајца со миксер, потоа додадете ја едната чаша јогурт, половина чаша масло, една чаша пченкарно брашно, една чаша пченично брашно, на крајот додадете малку сирење и околу сто грама коприва, едно прашок за пециво, и ако сирењето е несолено, многу малку сол.
Потоа подмачкајте го садот за печење, истурете ја смесата рамномерно во плехот за печење и печете во загреана рерна на 200 степени околу 30 минути. Ако имате калапи, можете да ја истурите смесата во неа и да добиете мини проја.
