Денеска е втор ден на христијанска жалост, Велика Сабота
Денот пред Велигден е познат како Велика Сабота. Таа инаку се нарекува страшна сабота, напорна сабота или долга сабота.
Велика Сабота е денот кој, според верувањата, Христос го поминал во Адот, па овој ден се поминува во тишина без богослужба, а првата велигденска литургија се служи на полноќ.
Народни обичаи на Велика Сабота
Се верува дека тој ден Христос со телото бил во гробот, а со духот во Адот.
На последниот ден од седмицата на страдањата и смртта, верниците ја бакнуваат плаштеницата на Христовиот гроб, која на Велики петок свечено се изнесува пред православните олтари.
Велика Сабота е денот кога верниците се подготвуваат да го прослават Велигден. Се привршува работата, се чисти куќата, се вапсуваат јајцата, а според народните обичаи правило е тоа да се направи наутро, пред изгрејсонце.
Исто така, се верува дека треба да се направи добро дело на Велика Сабота за да имаме среќа. Денеска ќе се меси колач кој ќе биде на трпезата за Велигден.
