Розеви металик јајца со сребрен сјај – едноставен дезен за јајца кој ќе ве воодушеви со крајниот резултат! Финтата е да истурите лажица од една намирница во бојата …
Доколку барате идеи секоја година пред Велигден затоа што сакате сосема поинаква празнична декорација, тогаш металик розовите јајца се совршен избор за вашата велигденска корпа.
Претходните години мермерните и омбре јајцата беа омилен избор на многу креативни дами, но оваа година познатата ТВ водителка и позната блогерка Марта Стјуарт си поигра со боите и направи нов тренд во бојадисувањето на велигденските јајца – метализирани јајца.
На прв поглед, правењето на оваа шема изгледа комплицирано, но трикот е во една магична храна.
Процесот на правење метализирани јајца започнува со премачкување на јајцата со алкохолен оцет. Главниот трик е да додадете една лажичка маслиново масло во бојата за јајца и да ја измешате со бојата, за да останат меурчиња од масло одозгора.
Јајцето ставете го во лажица и полека поминете го низ бојата. Меурчињата од масло ќе го заштитат јајцето од бојата и ќе добиете прекрасни дезени.
Оставете ги бојадисаните јајца да се исушат, а потоа користете чепчиња за уши за да ја премачкате розовата површина на јајцето со розев сјај во прав и постепено да го нанесувате сребрениот сјај на белата површина на јајцето.
Најдобар ефект ќе го добиете доколку користите бели јајца. Во видеото е прикажана процедурата за фарбање розови металик јајца, но веруваме дека истата постапка можете да ја повторите и со друга боја.
Погледнете го видеото!
