Сите сме имале период кога се ни изгледало залудно, кога мислиме дека никогаш нема да бидеме среќни. Тибетскиот мудрец Далај Лама советува каде да ја бараме среќата
Секој имал моменти кога се чувствува несреќно, кога мисли дека ги пропуштил шансите, дека се е залудно и изгубено, дека среќата е недостижна. Тибетскиот мудрец Далај Лама верува дека покрај нештата кои се надвор од наша контрола, постојат и такви кои можеме да ги контролираме.
Меѓу нив е и нашиот живот. Важно е да се запамети дека секој од нас е креатор на сопствената судбина.
„Целта на животот? Да се најде среќа. Не знаеме што ќе се случи во иднина, но нашето срце живее во надеж. Тоа е она што ни помага да одиме напред“.
И затоа мораме секогаш да имаме сила да одиме понатаму, да не се откажуваме, колку и да е тешко и колку и да изгледа залудно. Но, Далај Лама има уште еден важен совет за сите оние кои ја бараат својата среќа.
Кога се обидуваме да најдеме среќа, се концентрираме на крајната цел и се откажуваме од она што веќе го имаме. Но, дали е навистина потребно? На патот кон наоѓање на она што го прави подготвен, човекот го губи она што го има, а кое не знаел доволно за да го цени.
Не се лишувајте од другите луѓе само затоа што можеби сте биле повредени, не се откажувајте од кариерата за да се посветите на љубовта (може да имате кариера и сакана личност), омиленото хоби за нешто друго.
Лишувајќи се од она што го сакаме, ги уништуваме нашите животи бидејќи жртвата не мора да носи среќа.Среќата е во нас самите. Се додека не знаеме да се усреќиме, никој нема да успее.
„Што барате? Среќа, љубов, мир? Одите на другиот крај на светот да ги најдете и се враќате разочарани. Нема потреба да одите толку далеку. Барајте ги во себе, во длабочините на вашето срце“.
Застанете и размислете што точно сакате и дали тоа навистина ќе ве направи среќни? Дали го сакате тоа искрено или затоа што чувствувате притисок од општеството да направите нешто?
Дајте си доволно време да сфатите што сакате. Слушајте го своето срце, во него се кријат сите одговори. И запомнете уште една мудра изрека: „Среќата не е завршена работа. Таа е последица на вашите сопствени постапки и дела“.
Среќата е она што го градите за себе, она каде што се чувствувате како да сте на свое. Каде и да е тоа и што и да е тоа. Но, секој од нас може да биде среќен ако така одлучи.
