Ако имате напад на паника, срцето ви чука забрзано, вознемирени сте и напнати, во таа ситуација бидете си сами поддршка и утеха – кажете ги овие 4 мантри и ќе видите како многу брзо ќе се смири вашиот нервен систем.
Стресните ситуации може да предизвикаат анксиозност и напади на паника кај многу луѓе, но одреден настан не мора секогаш да биде активирач. Вознемирени мисли може да се појават и кога само размислуваме за одреден проблем што не мачи.
Во овие ситуации, добро е да знаете неколку мантри, т.е. реченици за поддршка кои можат да го смират нашиот забрзан пулс, да ни ги пренасочат мислите и да ја намалат напнатоста.
Покрај тоа што ви помагаат да се опуштите, овие мантри се корисни и за уште една работа – ни даваат чувство на контрола над нашите емоции и реакции. Кога ќе почувствувате паника, еве 4 мантри што треба да си ги повторите:
1. „Ова е привремено“.
Вистината е дека ништо нема да трае вечно. Ни проблемите, ни тагата или страдањето … ништо.
Дури и ако ви изгледа невозможно, луѓето можат да го издржат стресот на долг временски период. „Овој стрес е привремен! Кажете си го одново и одново.
2. „Се ќе биде добро“.
Иднината е непозната, не само сега туку и секогаш. Но, нема смисла да се паничи поради тоа. Можеме да си кажеме дека сè ќе биде добро, и најверојатно ќе биде.
Ако сте премногу реални или песимисти, можете да ја измените оваа мантра во „Веројатно ќе биде во ред“. Ако сè уште ви е тешко да поверувате, обидете се со „Ако не е во ред, можам да се справам со тоа.“
И тоа е вистина! Пробајте различни верзии и видете што најмногу ја смирува анксиозноста во вашето тело.
3. „Ден по ден. Од час во час. Од минута во минута“.
Кога емоциите ќе ве обземат, време е да забавите. Запомнете дека единствената цел е да поминете уште една минута, час или ден.
Пренасочете го вашиот фокус кон наоѓање пријатна и смирувачка активност што можете да ја правите во време кога ќе ви стане премногу тешко. На пример, се будите вознемирени, срцето ви чука брзо.
Потсетете се дека вашата цел е да забавите и да одите напред минута по минута, чекор по чекор. Дишете свесно во следните 5 минути. Направете го вашиот омилен топол пијалок.
Правете нешто што ви се допаѓа и го сакате (читајте, пишувајте, правете вежби за истегнување, пуштете релаксирачка музика…)
Ако ништо од ова не помага, не се обесхрабрувајте. Кажете си – „Издржи! Утре е нов ден и веројатно ќе се чувствувате подобро наутро“.
4. „Само затоа што се чувствувам вознемирено во моментов не значи дека работите се полоши од порано“.
Анксиозноста има смешен начин да генерира катастрофални мисли. Кога сте многу вознемирени, важно е да застанете и да станете свесни за вашите мисли.
Ако мислите дека е крај на светот или дека никогаш повеќе нема да бидете среќни или сте го уништиле животот, забележете го тоа и потсетете се дека тоа е само чувство.
Тоа не значи дека е вистина. Работата со анксиозноста и емоциите што се во основата бара доживотно вежбање и трпение, нема волшебно стапче. Само бидете упорни!
