Рецепт за лек од млади листови глуварче – одличен за детоксикација на организмот, варење и превенција од разни болести!
Глуварчето е исклучително здраво и хранливо растение кое со векови се користи во природната и народната медицина. Содржи витамини Ц и А, богат е со органски киселини и минерали како што се калиум, натриум и магнезиум.
Растението е совршено за пролетно чистење на крвта и на целиот организам, глуварчето е крал на детоксикацијата. Има и антиинфламаторно дејство, а во медицински цели се користат цветовите, младите листови и корењата.
Пред да цветаат глуварчињата, во рана пролет, можете да користите исклучително лековити лисја од глуварче. Најчесто се користат во салати, а ние ви пренесуваме рецепт за сируп кој е одличен за детоксикација и го намалува ризикот од болести.
Соберете грст свежи млади листови од глуварче од незагадено место, добро исплакнете ги, а потоа ставете ги во соковник и измешајте. Доколку немате соковник или блендер, листовите можете да ги сомелете и во мелница за месо.
За да го подобрите вкусот, но и сирупот да биде уште поздрав, додадете јаболко кое исто така ќе го измешате во блендер, како и сок од свежо цеден лимон.
Сирупот од млади листови од глуварче се зема пред јадење еднаш дневно, една до две лажици, а делува така што го прочистува организмот, го регулира варењето, го подобрува апетитот, ги штити органите од оштетување.
Може да помогне при разни стомачни проблеми, а може да се чува и во тегла која треба да се чува затворена на студено.
Од листовите глуварче секогаш можете да направите салата која одлично оди со јадења од месо или зеленчук, а свежите листови ќе имаат извонреден ефект врз телото!
