Што треба да се направи со паричката од бадниковото колаче – се верува дека тој што ќе ја најде кај него ќе има пари и среќа цела година!
Бадниковото колаче е традиционално колаче кое што во различни делови кај нас различно се замесува, на различни начини според различни обичаи. Во некои места се прави со квасец, во некои се замесува со сода, додека во некои места се прави слатко бадниково колаче со со мед и јаткасти плодови.
Традиционално при месењето во колачето се става паричка, а според верувањето на тој што ќе му се падне паричката ќе има среќа и пари цела година. Според обичајот, тој што ќе најде ја паричката не треба да ја фрли или заборави.
Оној што нашол паричка во колачето може да ја чува за среќа, но може и да ја продаде на некој друг и со тоа да му даде среќа. Според обичајот, тој што ќе купи паричка во замена треба да даде други пари.
Потоа паричката од колачето се става на икона и се чува до следниот Божиќ. Вообичаено е членовите на семејството да го превртуваат колачето меѓу себе, а потоа да го скршат и да го јадат пред другата храна.
Секој треба да си го јаде парчето колаче за среќа и здравје. Покрај паричка, стариот обичај е во колачето да се става и бадниково дрвце како симбол на плодноста и доброто здравје, а од истата причина се става и дрен.
Нашите предци во бадниковото колаче ставале пченка, грав, овес и пченични зрна, за животните на имотот да бидат здрави и сè да напредува. Бадниковото колаче се замесува на Бадник, а се јаде со Бадниковата вечера, кога околу празничната трпеза се собираат сите членови на семејството.
