Ова растение се користи со векови во кулинарската, медицинската и козметичката индустрија
Невенот е растение чии лековити својства одамна се познати – од него се прават гелови, креми, масти, тинктури, чаеви, како составен дел е на купките и други средства за хигиена и нега на кожата, може да се додаде дури и во салати!
Покрај тоа, може да го користат и најмладите и најстарите. Овој цвет е поврзан со легендата дека во антички Рим овие цвеќиња никнале на гробот на весталка која умрела од тага затоа што била несреќно заљубена.
Невенот има силно антиинфламаторно дејство, главно поради тоа што содржи флавоноиди и линолеински киселини. Флавоноидите се растителни антиоксиданти кои ги штитат клетките од оштетување предизвикано од негативните ефекти на слободните радикали, додека лионолеинските киселини имаат силно антиинфламаторно дејство.
Затоа, ова растение се користи за ублажување на воспаленија, осип на пелена кај бебињата, дерматитис, чиреви, инфекции на увото итн.
Токму флавоноидите придонесуваат за релаксација на крвните садови и ја подобруваат циркулацијата што може значително да ги ублажи симптомите на ПМС, грчеви и болна менструација.
Киселините кои се составен дел од маслото од ова растение имаат силно антимикробно и антивирусно дејство. Затоа, се користи во производството на разни антисептици.
Може да го забрза и заздравувањето на раните. Бидејќи го подобрува протокот на крв и кислород, помага побрзо да се изгради ново ткиво на заразената област.
Затоа се користи и за ублажување на чир на желудникот и дуоденумот. Друга причина зошто невенот е одличен за употреба е тоа што ја подобрува цврстината, јачината и хидратацијата на кожата.
Благодарение на присуството на провитамин А поволно делува и на очите, па затоа се користи и за лекување на болести како конјунктивитис или други иритации. Ова прекрасно растение има исклучително пријатен мирис, па можете да го користите како украс во вашата куќа.
Но, бидете внимателни – проверете дали сте алергични на некоја состојка содржана во ова растение и ако сте бремени, доите или сакате деца, употребата на невен не се препорачува поради силното дејство на менструацијата. Најдобро е да се консултирате со вашиот лекар.
