Бананите содржат пектин кој го забрзува варењето.
Големото количество природни, растворливи влакна и трите типа на природен шеќер што ги содржат бананите ги прават фантастична закуска која брзо ви ја враќа енергијата.
Покрај неговата хранлива вредност, истражувањата покажуваат дека ова овошје е многу ефикасно за отстранување на многу проблеми за кои најчесто прибегнуваме кон лекови. Еве неколку од нив:
Надуеност и запек
Бананите содржат пектин, кој го забрзува варењето и го поттикнува исфрлањето на токсините и тешките метали од телото. Покрај тоа, тие дејствуваат како пробиотик и ги стимулираат цревата.
Сите овие фактори го стимулираат варењето и ја намалуваат надуеноста, а влакната од банана делуваат како природен лаксатив во случаи на запек.
Стрес
Го нарекуваат болест на модерното време, бидејќи постојано има огромно влијание врз целокупното здравје. Еден од проблемите што ги предизвикува стресот е дијареата, пред се поради падот на нивото на калиум во организмот.
Рамнотежата може да се воспостави со конзумирање банани кои содржат прилично високо ниво на споменатиот минерал, што резултира со нормализирање на срцето, испраќање доволни количини кислород до мозокот и регулирање на оптималната количина на вода во телото.
Крвен притисок
Познато е дека високото внесување на натриум и сол и малиот внес на калиум во организмот негативно влијае на крвниот притисок. Затоа е важно да се консумираат банани, бидејќи тие го содржат овој многу потребен минерал.
Здравствените експерти предлагаат консумирање по една банана секое утро за да се намали ризикот од висок крвен притисок и разни срцеви заболувања.
Депресија
Бананите содржат триптофан, форма на протеин кој го стимулира ослободувањето на серотонин, познат и како „хормон на среќата“. Само една банана е доволна за да го подигне нивото на серотонин и да се чувствувате подобро, посмирено и посреќно.
ПМС
Бананите се богат извор на витамин Б6, кој позитивно влијае на нивото на гликоза во крвта, а истражувањата покажуваат дека витамините Б се повеќе од добредојдени кога е ПМС во прашање, односно дека ја намалуваат болката во стомакот и градите, позитивно делуваат на промена на расположението и намалување на акумулацијата и задржувањето на водата во телото.
