Погачата е главната ѕвезда на секоја празнична трпеза.
За утрешниот празничен ден ви ја предлагаме најубавата и најмеката погача. Во продолжение е рецептот.
Состојки:
- 500 мл млака вода
- 750 гр брашно
- 30 гр свеж квасец
- 1 лажичка шеќер
- 1 лажица посен маргарин
- малку сол.
Подготовка: Во малку млака вода растопете го квасецот, додадете го шеќерот, остатокот од водата и брашното и солта, па замесете средно тврдо тесто. Нека расте.
Расукајте го тестото во правоаголник и премачкајте го со малку посен маргарин. Обликувајте по желба, посипете со малку сусам по желба и ставете во плех за печење.
Покријте повторно да стаса, па намачкајте со масло и печете на 200 степени 40 до 45 минути. Пријатен апетит!
