Како да ослабеете во менопауза – правилото 8х8 помага на здрав начин да се намали апетитот и да се ослободите од несаканите килограми!
Периодот на менопаузата носи различни предизвици, а еден од нив може да биде дебелината и бавниот метаболизам. Кога метаболизмот ќе се забави, потешко се губат несаканите килограми.
Затоа е исклучително важно да имате урамнотежена исхрана и физичка активност во овој период од животот. Мајкл Фајрмен, познат личен тренер кој работи за многу светски познати личности, објасни на каква диета треба да бидеме за да можеме да изгубиме килограми во менопауза…
„За да изгубите тежина за време на менопаузата, задолжително јадете разновидна храна богата со хранливи материи со соодветна мешавина на протеини, јаглехидрати и здрави масти“.
Особено се препорачува храна богата со цели зрна, како киноа, кафеав ориз, овес, интегрален леб. Исто така, важно е во менито да вклучите храна богата со омега 3 масни киселини: риба, лен, чиа семе, јаткасти плодови.
Мајкл Фајрмен истакна дека е неопходно да се остане хидриран и ги потсети жените дека треба да пијат два литра вода дневно за да го забрзаат процесот на слабеење. За да им олесни на жените, тренерот го смислил правилото 8×8:
„Останете хидрирани со пиење осум чаши од осум унци вода дневно, што е околу два литра. Ова се нарекува правило 8×8. Обидете се да пиете вода постојано во текот на денот , дури и кога не сте жедни“.
Ако унците ги претворите во милилитри, тоа би било да земете чаша од 230 ml, наполнете ја со вода 8 пати на ден и пијте ја содржината полека, во мали голтки. Запомнете дека често ја мешаме жедта со глад и јадеме наместо само да пиеме вода.
Оваа навика ќе ви помогне да стекнете навика за редовна хидратација. Почнете да ги броите чашите вода што ги пиете и ќе забележите како со текот на времето ќе се регулира вашиот апетит.
