Еве што всушност им носи келтското дрво на животот на луѓето кои го носат со себе или го имаат во својот дом…
Келтското дрво на животот е симбол кој често се користи во уметноста, уредувањето на домот или пак можеме да го видиме на накитот во форма на амајлии, но што точно и носи овој симбол на личноста која го има со себе, прочитајте во продолжение.
Најпознатото толкување на келтското дрво на животот е дека го претставува главниот циклус што владее со планетата Земја и природата воопшто.
Келтските народи биле фокусирани на природата и верувале дека таа е изворот и крајот на сè. Дрвјата одиграле голема улога во тоа верување, особено кога се во прашање ритуалите и духовноста.
Во многу ритуали, келтското дрво на животот ја претставува интеракцијата помеѓу моќниот природен циклус и промените што тој ги носи.
Едно дрво прави шума, а шумата обезбедува топлина, засолниште и храна за многу животни. Кога животните умираат, нивните остатоци ја хранат почвата, а плодната почва ја збогатува шумата со одгледување нови дрвја и засолништа за животните.
Келтските народи верувале дека овој пример покажува дека единствената апсолутна хармонија и рамнотежа е постигната во природата. Овој мистериозен и одржлив концепт на живот и смрт ги фасцинираше Келтите, а дрвото на животот носи таква порака.
Постојат 4 значења на келтското дрво на животот:
1. Мајката природа – хармонијата и рамнотежата во природата претставуваат совршен тек кој го одржува во живот секој од нас.
2. Старост и мудрост – во келтската традиција се изразува висока почит кон постарите членови на заедницата. Така, овој симбол ја носи и пораката дека секоја година ни носи поголема мудрост.
3. Циклусот на животот и смртта – кога еден живот исчезнува, се раѓа друг – сè е бесконечно.
4. Средба на небото и земјата – во келтската традиција се верувало дека корените на дрвјата се поврзани со подземјето (стремежот за материјален живот), а крошната е канал за небесниот свет (духовен живот).
Заклучокот е дека келтското дрво на животот е синоним за сила, моќ, мудрост, живот и стабилност. Тоа покажува дека сме длабоко поврзани со она што го наследуваме (коренот), но и дека имаме право да си го бараме местото под Сонцето (крошна).
Ова е симбол на бесконечноста што е добро да се чува како амајлија. Се верува дека оној кој го носи келтското дрво на животот или го има овој симбол во својот дом, ќе биде заштитен, ќе има животна сила и ќе биде придружен со позитивна енергија.
