Свеста за штетноста на пушењето станува се пораспространета на глобално ниво, но модерното време се карактеризира со фактори кои постепено го поместуваат пушењето од врвот на листата на смртоносни навики, предупредуваат американските научници.
Еве 5 работи кои не убиваат, а ние ги правиме секој ден:
Осаменост
Неодамнешните истражувања покажуваат дека социјалната изолација е исто толку штетна за вашето здравје како и другите работи кои се на врвот на листата „смртоносни“.
Социјалните мрежи и се помалку дружењето „во живо“ со пријателите и колегите доведоа до тоа осаменоста да заземе неверојатни размери.
Професорот по психологија на Универзитетот Бригам Јанг, Џулиен Холт Лунстад, вели дека ефектот на осаменоста врз намалувањето на животниот век е како поединец да пуши 15 цигари дневно.
Седентарен начин на живот
Седентарен начин на живот во текот на денот го зголемува ризикот од развој на неколку видови на рак, покажа студија од 2014 година.
Секои дополнителни два часа седење го зголемува ризикот од рак на дебелото црево, рак на ендометриумот, рак на белите дробови, без разлика дали поединецот вежба во текот на денот. Дури и со редовно вежбање, седењето повеќе од осум часа дневно го зголемува ризикот од разни здравствени проблеми.
Недостаток на спиење
Американските научници открија дека 50 до 70 милиони луѓе во САД страдаат од нарушувања на спиењето. Недоволното количество сон, предупреди професорот Валери Гафаров од СЗО, го зголемува ризикот од мозочен и срцев удар исто колку и секојдневното пушење.
Солариум
Иако употребата на солариум изгледа како варијанта на сончање што ја имаме под контрола, и двете можат да бидат подеднакво опасни за телото како и пушењето.
Во 2014 година, дерматолозите докажаа дека прекумерната употреба на солариум предизвикува повеќе случаи на рак на кожата отколку што пушењето предизвикува случаи на рак на белите дробови.
Нездрава исхрана
Слатката и преработена храна богата со заситени масни киселини влијае на развојот на потенцијално смртоносни болести како што е пушењето. Во 2016 година, научниците кои ги истражуваа смртните случаи како резултат на лошата исхрана заклучија дека стапката на смртност ја надминува онаа на алкохолот, дрогата и тутунот.
