Вкусот на белиот прав не се чувствува кога ќе го истурите во омилениот црн пијалок, а може многу да ви помогне.
Некои видови кафе со пониски цени имаат поголема концентрација на киселина, што може да го вознемири чувствителниот стомак, особено ако консумирате повеќе од една шолја од овој пијалок дневно.
За да ја неутрализирате киселината и да го олесните варењето, можете да користите магичен бел прав – сода бикарбона!
Сода бикарбоната или натриум бикарбонат е одлична природна помош за неутрализирање на киселината во организмот, што може да настане поради прекумерно консумирање слатка и мрсна храна. Има антиалергиски, антиинфламаторни и антигабични својства.
Неутрализација на стомачната киселина
Прстофат сода бикарбона во кафето (или 1/8 лажичка на литар од омилениот пијалок) на Запад е еден вид народен лек за неутрализирање на киселината. Оние кои го пробале тврдат дека вкусот на овој прав не се чувствува во таквото кафе.
Иако комбинацијата на кафе и сода бикарбона не е позната на нашите простори, експертите тврдат дека навистина може да ја „убие“ киселоста во организмот.
Сепак, треба да се има на ум дека сода бикарбоната во кафето може да има некои нуспојави на организмот – зголемени гасови, намалена апсорпција на калциум и општо влијание врз варењето, предупредуваат нутриционистите.
Можеби не сте знаеле, но најлошата комбинација е всушност кафето и млекото – белиот напиток ја зголемува киселоста на телото, па луѓето кои имаат чувствителен стомак треба да избегнуваат да пијат кафе на овој начин.
