„Едно јаболко дневно го држи докторот подалеку од мене“ е убава изрека што се чини дека нема човек кој не ја знае.
Меѓутоа, она што не го знаеме за јаболката е дека тие се прекрасен начин за одржување на кожата млада. Киселините во јаболкото, пектинот во семките и витамините во кората ја прават јаболката прекрасен домашен производ за освежување на кожата.
Се разбира, постојат многу козметички брендови кои исто така ги вклучуваат активните состојки на јаболката во нивните производи. За кого е погодна терапијата со јаболка:
✔ За млада кожа, да забележите свежина.
✔ За зрела кожа, да го врати сјајниот изглед и да ја нахрани
✔ За борба против првите брчки
Колку често да се применува терапија со јаболка:
Поради активните киселини во овошјето, добро е да направите маска со јаболка не почесто од еднаш неделно.
Маска за чистење на лицето со јаболка
Половина јаболко, 1 лажичка топло пресно млеко, 1 жолчка и 1 лажица овесна каша се пасираат добро. Добиеното пире се нанесува на сува кожа и се остава да делува 20 минути. Исплакнете со топла вода и оставете ја кожата да дише неколку часа пред да нанесете вообичаен крем за лице.
Може да ја испробате и оваа маска:
Маска за нормална кожа со јаболко
3 лажици рендано јаболко
1 изматена белка
пченкарен скроб за добивање на густа каша
Измешајте ги производите и мешајте додека не добиете конзистентност што е удобна за нанесување на лицето. Нанесете со рака на лицето и вратот и по 15 минути измијте со млака вода.
Ако користите крем за лице со јаболко, можете безбедно да го нанесувате секој ден. Сепак, внимавајте на производите што велат „вкус на јаболко“. Мирисаат прекрасно, но не содржат корисни материи од јаболко.
