Греењето во текот на зимата е клучната работа за која размислуваме.
Губењето на топлинска енергија во зимските денови може да има повеќекратни штети – освен што становите ќе бидат ладни и непријатни за престој, џебовите ќе ни бидат празни бидејќи ќе трошиме многу ако ја користиме топлинската енергија нерационално.
Ви пренесуваме три едноставни методи за заштеда на топлинска енергија.
Проветрувајте ја просторијата на 10 минути
Ако редовно ја проветрувате просторијата најмногу 10 минути, ќе ја заштедите насобраната топлина во ѕидовите и мебелот, па по проветрувањето просторот наскоро ќе биде топол како порано. Во никој случај не е препорачливо да ја регулирате собната температура со отворање на прозорецот.
За да заштедите енергија во зима, не е добро да го оставите прозорецот отворен на „работ“. На тој начин се ладат само деловите од ѕидовите до прозорецот, па може да се појават и габи поради кондензација на влагата од воздухот на студените површини.
Разместете го мебелот во домот
Поместете го мебелот подалеку од студените надворешни ѕидови и ставете го во близина на извори на топлина, како што се камини. Исто така, оддалечете го мебелот што е можно повеќе од радијаторот за да не го блокирате протокот на топол воздух.
Радијаторите не смеат да бидат затскриени со завеси и мебел. Со сушење на алиштата на радијаторот практично го прекинувате греењето.
Грижете се за ролетните и завесите
Спуштете ги ролетните и повлечете ги завесите за да ја намалите загубата на топлина. Ролетните можат да ја намалат загубата на топлина до 10 проценти.
Ако сонцето се појави во текот на зимата, отворете ги завесите на прозорците за да можат неговите зраци да влезат внатре и да го загреат стаклото на прозорците, што исто така ќе ја зголеми температурата во станот.
