Дознајте што им носи владеењето на Лавот на сите хороскопски знаци од 22 јули до 22 август!
Денес, 22 јули, започнува владеењето на Лавот. Овој период е специфичен по многу нешта, исто како и самиот знак, петти по ред во хороскопскиот круг. По сентименталниот и романтичен Рак, влегуваме во соѕвездието кое се карактеризира со страст и темперамент.
Лавот е знак кој сака да биде во центарот на вниманието, плени со својата харизма, ги освојува сите околу себе и сака да угодува. Лавот е полн со самодоверба, сигурен во себе, полн со позитивна енергија. Токму тоа им носи на сите други знаци во периодот од 22 јули до 22 август!
Топлите летни денови дополнително ќе го подгреат расположението – ќе бидеме смели и слободни да флертуваме, да се впуштаме во романси, да се дружиме и уживаме. Еве што ги очекува хороскопските знаци во следниот месец:
Овен
Сезоната на Лав има тенденција да го зголеми интензитетот на вашите уметнички импулси. Сонцето е во вашата петта куќа на романтиката, играта и креативноста.
Овој момент е создаден за да ги изразите вашите емоции преку креативен проект и да се одморите од обврските за да можете навистина да бидете свои со луѓето што најмногу ги сакате. Можете да го очекувате 31 јули како ден исполнет со љубов и среќа затоа што тогаш Сонцето ќе го трибира Јупитер во вашиот знак.
Бик
Искористете го периодот на владеењето на Лавот за да поминете уште поквалитетно време со вашите сакани благодарение на Сонцето кое се движи низ вашата четврта куќа на домот.
Вашата владејачка планета, Венера, се движи низ вашата трета куќа на комуникацијата до 11 август, па тој период е совршен за меѓусебно зближување и зајакнување на односите, особено преку некоја заедничка работа, учење нови вештини или спортување.
Близнаци
Сезоната на Лав ја носи вашата испитувачка, комуникативна природа на нови височини бидејќи Сонцето престојува во вашата трета куќа на информации. Тоа е и астролошка куќа поврзана со патувања, па во наредниот период ве очекуваат повеќе патувања од вообичаено.
Вашата владејачка планета, Меркур, се движи низ вашата четврта куќа од 4-ти до 25-ти август. Поминувањето време со саканите ќе ви помогне да стекнете подобар увид во сè, од тековните емоционални предизвици до долгорочните цели што сакате да ги постигнете.
Рак
Можеби се чувствувате малку исцрпени по вашиот роденден и фактот дека сте една година постари, но ќе бидете воодушевени кога ќе слушнете дека Сонцето се движи низ вашата втора куќа на приходите, фокусирајќи се на паричните прашања. Можеби размислувате дали сте доволно ценети на вашата работа и дали би ви било подобро на друго место.
Околу 11 август, во осмата куќа на емотивните врски ве очекуваат вибрациите на вашиот владетел Месечината. Ова е време искрено да разговарате со партнерот за потребите и очекувањата кои ги имате од врската, а доколку сте слободни, да станете попристапни!
Лав
Сега е вашето време! Иако имате самодоверба, сега таа ќе биде на уште повисоко ниво, што ќе ви отвори многу врати, особено на деловен план! Ќе бидете во центарот на вниманието, опкружени со луѓе кои ви се восхитуваат!
Ова е време кога вашите соништа се остваруваат, само треба да се фокусирате, особено на 28 јули, кога Младата Месечина влегува во вашиот знак.
Девица
Во овој период, ќе бидете сонливи и малку надвор од вашата секојдневна рутина додека Сонцето се движи низ вашата 12-та куќа на духовноста и соништата. Ќе имате потреба за медитација, ќе ви се зајакне интуицијата.
Времето што ќе го поминете сами ќе биде вредно, особено за вашата благосостојба и поставување на долгорочни цели. Меркур, вашиот владетел, ќе биде во вашиот знак од 4-ти до 25-ти август, што е идеален период да се подготвите за доаѓањето на вашето владеење на крајот на август!
Вага
Вие сте исклучително социјални, а Сонцето се движи низ вашата 11-та куќа на вмрежување и пријателство, зајакнувајќи го чувството за поврзаност и потребата за дружење. Ќе сфатите дека е многу убаво и лесно кога ќе се соберете, без разлика дали се работи за заедничка работа или поминување на слободното време.
Овој период ќе го исполните со многу интересни настани, забави, дружења. Кога Меркур е во вашата 12-та куќа на духовноста од 4-ти до 25-ти август, ќе имате можност да направите пауза, да се одморите и да се наполните со позитивна енергија за она што ве очекува подоцна.
Скорпија
Сезоната на Лав ве прави уште поенергични од вообичаено бидејќи во овој период се активира вашата 10-та куќа за кариера. Сега е одлично време да го претставите вашиот проект на нов клиент или претпоставен, да инвестирате во себе и да добиете кредит за вашата напорна работа и труд.
Вашиот владетел Марс се движи низ вашата седма куќа на партнерствата до 20 август, па преземањето храбра акција со колега или пријател исто така може да ви помогне да ги постигнете вашите цели.
Стрелец
Сезоната на Лав е создадена за вас затоа што ви носи грст можности да бидете свои, спонтани, опуштени, љубопитни, авантуристи! Сонцето се движи низ вашата деветта куќа на авантура и учење, што ќе ве поттикне да зачекорите во непознатото и да отворите нови хоризонти!
На 31 јули Сонцето ќе биде во тригон со Јупитер во вашата петта куќа на романтиката, што ви носи нова љубов, голема среќа или продлабочување на врската со партнерот.
Јарец
Во овој период ќе излезете од вашата безбедна зона, ќе покажете малку повеќе чувство, ќе се осмелите благодарение на Сонцето во вашата осма куќа на емотивни врски, интимност и заеднички ресурси. Ќе си го отворите срцето!
Околу 11 август, полната месечина ви носи големи шанси да ги зголемите приходите. Време е да се тапкате по рамо за целата ваша напорна работа во изминатиот период И да ја прославите со пријателите и семејството.
Водолија
Сезоната на Лав ги истакнува вашите врски, без разлика дали се романтични, платонски или професионални – додека Сонцето се движи низ вашата седма куќа на партнерствата.
Што и да правите, сакате да бидете сигурни дека ја имате поддршката од другите додека се соочувате со какви било предизвици како тим. Полната месечина на 11 август ви носи изненадувања кои ги отвораат очите, а некои од нив ќе дојдат од членовите на семејството.
Риби
Сонцето е во вашата 6-та куќа на здравјето, па секоја непријатност што ќе ја почувствувате ќе биде привремена и ќе имате време да се опуштите и да се релаксирате. Полесно ќе најдете начини да бидете попродуктивни, но и да го подигнете чувството за внатрешна рамнотежа.
7-ми август ќе ја одбележи тројката помеѓу Венера во вашата петта куќа на романтиката и Нептун, вашиот владетел, во вашиот знак. Искористете го тој момент за да ја изразите целата своја креативност. Нека вашата имагинација ве однесе до најубавите можни места!
