Според бројни студии спроведени низ светот, потемните сорти на грозје го намалуваат ризикот од срцеви заболувања така што ги опуштаат крвните садови и на тој начин го олеснуваат протокот на крв.
Овој корисен ефект го обезбедуваат супстанциите наречени антиоксиданси, кои ги има во изобилство во семките и лушпите на грозјето, особено во хамбург, темјаника, црната бургундија, каберне совињон, црната рибизла, конкорд.
Јадете грозје додека трае
Затоа нутриционистите препорачуваат два до три оброци свежо темно грозје во текот на сезоната, бидејќи оваа количина ги обезбедува потребните „дози“ на корисни антиоксидантни материи.
Иако грозјето најчесто се поврзува со вино, неодамнешните студии покажаа дека соковите направени од грозје од некои потемни сорти, исто така, можат да обезбедат заштита од срцеви заболувања.
Најкорисните ефекти од конзумирањето на сок од грозје се забележани во намалувањето на ризикот од згрутчување на крвта, намалувањето на нивото на лошиот ЛДЛ холестерол, спречувањето на оштетување на крвните садови во срцето, како и одржувањето на здрав крвен притисок.
Црвеното вино е здраво
И црвеното вино и сокот од темно грозје содржат антиоксидантни флавоноиди, кои се покажаа како многу ефикасни во зголемувањето на нивото на добриот, односно HDL холестеролот и во борбата против атеросклероза, односно затнати артерии и висок крвен притисок.
Сепак, внимавајте со виното, бидејќи сепак се работи за алкохол и држете се до препораките – една чаша дневно за жени и до две за мажи.
