Чувар куќа, растение за здравје и долговечност – еве како од неа да направите освежителен и лековит сок!
Се верува дека чувар куќата е растение кое го штити домот од лоша енергија, но нема само симболично значење, туку со векови се користи во природната медицина како лек за ублажување на разни тегоби.
Чувар куќата содржи витамини А и Ц, а најважни во својот состав се фитоенцидите, супстанции кои имаат силно антисептично дејство и помагаат во борбата против бактериите.
Листовите од чувар куќата најчесто се користат за лекување на инфекции на увото, респираторните и дигестивните органи, а комбинацијата од мед и чувар се користи кај бронхитис.
Сокот и чајот од чувар куќа најчесто се користат при стомачни болки, чиреви и за ублажување на проблемите предизвикани од хеликобактер, која предизвикува тежок гастритис. Овој сок повремено можете да го користите и како пијалок за детоксикација на телото.
Како да направите сок од чувар куќа?
Соберете 150 гр листови чувар куќа одгледани во здрава и природна средина, потоа измијте ги, исчистете ги, па ставете ги во блендер и сомелете додека не добиете еднолична смеса. Добиената течност процедете ја низ цедилка, а остатокот фрлете го.
Исцедете го сокот од еден лимон, па измешајте го со сокот од чувар куќата. Додадете 2 лажички мед во сокот и измешајте сè. Сокот може да го послужите ладен со листови од нане.
Забелешка: задолжително консултирајте се со вашиот лекар пред да користите природни лекови.
