Рецепт за салата од листови од глуварче – додадете ги вистинските зачини и ќе имате супер здраво и вкусно јадење!
Листовите од глуварчето се полни со витамин А, па затоа е исклучително корисно за здравјето на очите. Имаат диуретично дејство и многумина ги користат листовите на ова златно растение за да го исфрлат вишокот течност од телото.
Содржи и екстремно малку калории, па салатата со листови од глуварче е совршен оброк доколку сакате да ослабете. Свежите листови од глуварче содржат витамини А, Б и Ц, како и железо, па дури и во поголеми количини од спанаќот.
Листот од глуварче содржи танини, позитивно влијае на варењето, желудникот и апетитот. Листовите исклучително поволно делуваат на здравјето на сите органи, особено на црниот дроб, а одлични се и за имунитет и спречување на воспаленија во организмот.
Ви пренесуваме рецепт за една од највкусните верзии на салата од листови од глуварче – лесна за подготовка, а вкусот е фантастичен. Можете да го јадете како посебен оброк или како прилог со зеленчук, месо или риба.
Состојки:
- 4 грста млади листови од глуварче (може да користите и дршка)
- 3-4 чешниња лук
- сол, бибер
- 3 лажици песто сос од домати
- 1 лимон
- масло од семки од грозје
Подготовка:
Измијте ги и исчистете ги листовите глуварче, а потоа ситно исечкајте ги. Исцедете го лимонот, па додајте го сокот во листовите.
Додадете ги сите останати состојки, сол и бибер по вкус, а лукот изгмечете го. Се добро измешајте и уживајте во салатата.
Целата подготовка на салата погледнете ја во видеото подолу!
@cookingwithliana Healthy Dandelion Green #salad #dandelions #healthy #food #foodies #foodtiktok #tiktokfood #garlic #dandeliongreens #recipe #grapeseed #foryou #fyp
