Секоја година на 17 ноември се одбележува Светскиот ден на непушачите во кој се подига свеста за оваа нездрава навика.
Пушењето остава бројни негативни последици по организмот и целокупното здравје, а најмногу страдаат белите дробови, поради што на Светскиот ден на непушачите кој се одбележува на 17 ноември, често се изнесуваат фактите за овој нездрав начин на живот.
Постојат бројни причини зошто треба да се откажете од цигарите, а главната е што телото темелно се регенерира со откажување од пушење.
Американската компанија „CVS Health“ објави инфографик кој покажува што се случува во телото со текот на времето по откажувањето од пушењето – од 20 минути до 15 години.
До една година
– 20 до 30 минути – крвниот притисок и отчукувањата на срцето се намалуваат, а рацете и стапалата се загреваат;
– 8 часа – нивото на јаглерод моноксид во крвта паѓа, а кислородот се зголемува;
– 48 часа – сетилото за мирис и мирисот почнуваат да работат подобро;
– 72 часа – бронхијалните цевки се релаксираат;
– 2 недели до 3 месеци – циркулацијата во телото е подобра и посилна, како и функцијата на белите дробови;
– 1 месец до 9 месеци – се намалуваат кашлицата и застојот на синусите, белите дробови полесно ослободуваат слуз, почисти се и помала е можноста за зараза, телото има повеќе енергија.
По една година
– 1 година – ризикот од срцеви заболувања е двојно помал отколку кај пушачите;
– 5 години – ризикот од мозочен удар и рак на грлото на матката станува ист како кај непушачите, а ризикот од рак на усната шуплина, грлото, хранопроводникот и мочниот меур е двојно помал од претходно;
– 10 години – ризикот од рак на белите дробови е двојно помал отколку кај пушачите, а ризикот од рак на панкреасот е на исто ниво како кај непушачите;
– 15 години – ризикот од срцеви заболувања и смрт е ист како кај непушачите, пренесува „The Independent“.
