Во споредба со овој пијалок, кафето е многу помалку штетно кога станува збор за светлата насмевка кон која сите се стремиме. Иако досега се сметаше дека темните и обоени пијалоци како кафето, црвеното вино и некои газирани сокови се најзаслужни за дамките на забите, тоа не е сосема точно.
Имено, чајот со горчлив вкус е фатален за белината на забите, што е научно објаснето. Вистина е дека чајот повеќе ги валка забите од кафето поради високата концентрација на танини, изјави за „Веландгуд“ стоматологот Ина Церн и објасни дека токму танините му даваат горчлив вкус на чајот.
Оние кои претпочитаат зелен чај не мора да се грижат премногу, бидејќи црниот и улонг чаевите имаат многу поголема концентрација на танини, поради што забите со текот на времето ќе потемнат.
Количината на танин во секој вид чај варира во зависност од производителот, но слободно може да се каже дека црните и улонг чаевите имаат најголема количина на танини, додека зелениот чај има многу помала количина – вели д-р Черн и додава дека билните чаеви се уште се добри за забите.
Чаевите без танини, вклучително и повеќето од оние без кофеин или оние од растенија како ѓумбир, шипка, камилица, јасмин и хибискус се добри за здравјето на забите.
Черн им даде и неколку совети на луѓето кои сакаат да пијат чај, за да не размислуваат дали тоа ќе им наштети на беспрекорната насмевка. Во чајот додадете млеко или замена за млеко.
Ова ќе ја осветли бојата и на тој начин помалку ќе ги „фарбаат“ забите. После чајот можете да пиете малку вода и така да ги исплакнете, додека пиењето чај со сламка ќе го намали контактот на течноста со забите.
